गत जेठ १० गते पश्चिम रुकुमको चौरजहारी नगरपालिकाको सोती गाउँकी आफ्नी प्रेमिकालाई लिन भनेर जाजरकोटबाट गएका नवराज विकसहितका युवा र केटी पक्षबीच झडप भएसँगै उनीहरूको हत्या भएको थियो ।
सो विषयमा घटनाको भोलिपल्टदेखि नै संसदमा सत्ता पक्ष र प्रतिपक्षले समेत संसदीय छानबिन समिति गठनको माग गर्दै आएका छन् । यो घटना जातीय विभेदका कारण नै भएको आरोप सहित छानबिनको माग गरिएको छ ।
दुईपक्षको झडपपछि केटी पक्षले कुटपिट गरेपछि नवराज विकसहितका युवाहरू ज्यान जोगाउन भेरी नदीमा हाम फालेको बताइएको छ । सो घटनामा छ जनाको शव भेटिइसकेको छ । स्रोत : अनलाइन खबर
