प्युठानमा एक ब्यक्ति मृत अवस्थामा फेला परेका छन । प्युठान नगरपालिका वडा नं ५ निवासि ताइराम थापा मृत भेटिएका हुन । अन्दाजि ५४ वर्षिय थापा घरबाट ४/५ दिन देखि बेपत्ता दिए । थापा गएको बिहिवार ब्यापारिक कामका लागि बिजुवार झरेको बताइएको छ । मृतक थापालाई स्थानीयले सोमवार बिहान जुम्रिकांढाको आरूडांडा स्थित अमिलिगैराको खोल्सामा मृत अवस्थामा भेटिएका हुन ।

थापा साउन १२ गतेका दिन कामका लागि घरबाट बजार झरेका थिए । घरबाट सम्पर्कबिहिन भएका थापाको मृत्युबारे सत्य तथ्य खुल्न सकेको छैन । मृतक थापा घरमा एक्लै बस्दै आइरहेका थिए । मृतकको शवलाई पोष्टमार्टमको लागि जिल्ला अस्पताल बिजुवारमा ल्याइएको छ । घटनाबारे थप अनुसन्धान भईरहेको इलाका प्रहरी कार्यालय बिजुवारले जनाएको छ ।