नौबहिनी गाउँपालिकाको आयोजनामा भएको चौथो राष्ट्रपति रनिङ शिल्ड प्रतियोगिता सम्पन्न भएको छ । शुक्रबार देखि नौबहिनी गाउँपालिकाको खेलमैदान बहानेमा सञ्चालन भएको रनिङ शिल्ड प्रतियोगिताको आज सप्पन्न भएको हो ।आइतबार सम्पन्न रनिङ शिल्ड प्रतियोगितामा ७ स्वर्ण, ६ रजत र २ कास्य गरि जम्मा १५ अंक प्राप्त गरि गंगा माध्यमिक विद्यालय बहाने विद्यालय प्रथम भएको छ भने तेस्रोपटक शिल्ड हात पारेको छ । यस्तै ५ स्वर्ण, ४ रजत र ४ कास्य गरि जम्मा १३ अंक प्राप्त गरि जनज्योति माध्यमिक विद्यालय, लुङ्ग द्वितीय भएको छ । ५ स्वर्ण, ३ रजत र ६ कास्य गरि जम्मा १४ अंक प्राप्त गरि दुर्गा माध्यमिक विद्यालय, खबाङ विद्यालय तृतीय भएको छ । मार्चपास तर्फ भने गावै माध्यमिक विद्यालय, गावै उत्कृष्ट भएको छ ।नौबहिनी गाउँपालिकाका अध्यक्ष दिल बहादुर थापाले अध्यक्ष गरेको कार्यक्रमको विभिन्न विद्याका प्रतियोगितामा छात्र तथा छात्रा भलिबल, कबड्डी, दौड, हाइजम्प, लङजम्प, त्रिपलजम्प, सटपट थ्रो, ज्याब्लिङ थ्रो लगायतका खेलहरुको आयोजना गरिएको थियो ।रनिङ शिल्ड प्रतियोगितामा नौबहिनीका ११ वटा माध्यमिक विद्यालयबाट विभिन्न विद्याका खेलहरुमा करिब ३ सय जना विद्यार्थीहरु सहभागी छन् । प्रतियोगितामा उत्कृष्ट हुने खेलाडीहरुलाई पालिका स्तरीय खेलहरुमा भाग लिनेछन् ।