बहुला कुकुरले टोकेर प्युठानमा एकजना बालक घाइते भएका छन । प्युठान नगरपालिका ७ टिकुरिमा ६ वर्षिय बालक शिशिर सुनारलाई कुकुरले टोकेर घाइते बनाएको हो ।

कुकुरले बालकको मुख, नाक र छातिमा टोकेर घाइते बनाएको छ । घाइते बालकको प्युठान अस्पतालमा सामान्य उपचारपछि थपचारका लागि बुटवल रिफर गरिएको छ । प्युठान नगरपालिका ९ निवासि काली बहादुर सुनार कामको लागि प्युठान नपा ७ टिकुरिमा बस्दै आएका थिए ।

घरमा खेलिरहेको अवस्थामा कुकुरले टोकेर घाइते बनाएको हो। कुकुरले टोकेर भाग्दै गर्दा स्थानिय र प्रहरिले कुकुरलाई लखेटेर मार्न खोजेपनि कुकुर झिमरूक खोलामा पसेपछि बहुला कुकुरलाई मार्न नसकिएको स्थानीयले बताए । टिकुरि देखि बाग्दुला हुँदै सारिवाङ तर्फ भागिरहेको कुकुरलाई नियन्त्रणमा लिन खोजेपनि कुकुर त्यहाबाट खेतमा झरि खोलामा पसेको थियो ।  कुकुरले बाग्दुला बाटोमा हिडिरहेको गाइलाइ समेट टोकेको थियो ।