प्यार अलि खाँन,
प्युठान खबर । प्यूठानका स्थानीय सरकारहरुलाई प्यूठान उद्योग बाणिज्य संघले सहयोग गर्ने भएको छ। संघको सचिवालय वैठकले दुईवटा नगरपालिकालाई ३५ हजार रुपैयाँ र ७ वटा गाउँपालिकालाई २५ हजार रुपैयाँका दरले सहयोग गर्ने निर्णय गरेको अध्यक्ष केदारमान कक्षपतिले जानकारी दिनुभयो । ‘वर्तमान संकटको मिलेर सामाना गर्न केही सहयोग गरिएको हो।’ कक्षपतिले भने, ‘महामारीका विरुद्द हामी सबै संगसगै छौं।’
लामो समय लकडाउनका कारण व्यवसायीहरुले भोग्नु परेको समस्या र समाधानका लागि जिल्ला प्रशासन कार्यालयमा छलफल गरि उचित निकास निकाल्न संघले पहल गर्ने निर्णय लिएको महासचिव कृष्णभक्त गिरीले बताउनुभयो । संघले आन्तरिक राजस्व विभागले जारी गरेको कर विवरण तथा कर बुझाउने सुचनामा प्यूठानी व्यवसायीहरुले कर बुझाउन नसक्ने भन्दै नेपाल उधोग बाणिज्य महासंघको ध्यानाकर्षण गराउने निर्णय लिएको छ।
