नौबहिनी गाउँपालिकाको आयोजनामा चौथो राष्ट्रपति रनिङ शिल्ड प्रतियोगिता सुरु भएको छ । शुक्रबार देखि नौबहिनी गाउँपालिकाको खेलमैदान बहानेमा प्रतियोगिताको सञ्चालन भएको हो ।

रनिङ शिल्ड प्रतियोगिताको समुद्घाटन प्रतिनिधि सभा सदस्य सूर्य बहादुर थापाले गर्नुभएको हो । प्रतियोगितालाई सम्बोधन गर्दै थापाले शैक्षिक गुणस्तरमा वृद्धि गर्न यहाँका विद्यार्थीहरुलाई स्तरीय अन्लाईन कक्षाका लागि समेत पहल गरि व्यवस्था गरिदिने बताउनुभएको छ । यसका निम्ति शिक्षक र विद्यार्थीको प्रमुख चासोका विषय हुनुपर्ने बताउनुभयो । यो सङ्गै नौबहिनी गाउँपालिकाले खेलमैदान र खेल क्षेत्रलाई प्राथमिकतामा राखी उत्कृष्ट खेलाडीहरु छनोट गर्न अग्रसर रहेकोेमा धन्यवाद समेत दिनुभएको थियो ।

नौबहिनी गाउँपालिकाका अध्यक्ष दिल बहादुर थापाले अध्यक्ष गरेको कार्यक्रमको विभिन्न विद्याका प्रतियोगितामा छात्र तथा छात्रा भलिबल, कबड्डी, दौड, हाइजम्प, लङजम्प, त्रिपलजम्प, सटपट थ्रो, ज्याब्लिङ थ्रो लगायतका खेलहरुको आयोजना गरिएको छ ।

रनिङ शिल्ड प्रतियोगितामा नौबहिनीका ११ वटा माध्यमिक विद्यालयबाट विभिन्न विद्याका खेलहरुमा करिब ३ सय जना विद्यार्थीहरु सहभागी छन् । प्रतियोगितामा उत्कृष्ट हुने खेलाडीहरुलाई पालिका स्तरीय खेलहरुमा भाग लिनेछन् ।