नौबहिनी गाउँपालिका–५ डामृ (साविक ३ नं. वडा) थापर्ना निवासी सोभाराम सुनारको घरमा आगलागी हुँदा घर जलेर नष्ट भएको छ । सोमबार अपरान्ह अचानक भएको आगलागीबाट सुनारको घर र थारो जलेर नष्ट भएको हो ।
घरमा कोही नभएको बेला भएको आगलागीबाट नगद २० हजार रुपैयाँको क्षति भएको प्रहरीले जनाएको छ । सुनारको घरमा आगलागी हुँदा अन्नपात, लत्ताकपडावलगायत सामान समेत जलेर नष्ट भएको छ । आगलागी हुँदा अनुमानित करिब ३ लाख ४५ हजार रुपैयाँ बराबरको कच्ची घर र थारो पूर्ण रुपमा नष्ट भएको प्रहरी चौकी डामृले जनाएको छ ।
आगलागीबाट कुनैपनि मानवीय र पशुचौपायाको भने क्षति नभएको प्रहरीले जनाएको छ ।
प्रतिक्रिया
सम्बन्धित खवर
