नरेश खत्रि,
प्युठान खवर । बाँदीकोट स्वास्थ्य चौकिलाइ एक समारोहका बिच नेबुलाइजर मेसिन हस्तान्तरण गरीएको छ । झिमरुक गाउँपालिका वडा नम्बर २ निवासी व्यावसायि तथा समाजसेवी प्रकाश महतराले आफ्नो जन्म दिनको अवसरमा स्व बुवा देबिसिङ महतराको स्मृतिमा यो मेसिन प्रदान गर्नुभएको हो । ग्रामीण क्षेत्रका बालबालिकालाई निमोनिया हुँदा बाफ लिन र दमका रोगीहरुलाई अति आवश्यक पर्ने नेबुलाइजर स्वास्थ्य चौकिलाई दिएको हो ।
आफ्नो वुवाले समाजसेवा गर्दा समुदायमा पुर्याएको योगदानको स्मरण गर्दै आफुले जन्म दिनमा फजुल खर्च कटाएर समुदायको हितको लागि यस्तो कार्य गरेको प्रकाश महतराले बताउनुभयो । आगामी दिनमा पनि यसैगरी सामुदायिक कार्यका लागि आफू सदैव दत्तचित्त भएर सक्रिय रहने पनि जानकारी गराउनुभयो ।
