गजल : नखोक भो मेरो जिउले, बगाएको खुनको कथा

लोेकेन्द्र जिसि,

नखोक भो मेरो जिउले, बगाएको खुनको कथा,

अँध्यारो मै रमेको छु,नसुनाउ भो जुनको कथा ।

रोटी मागेँ कति चोटि, बसिरहे ओँठ टोकी,

मेरै आँसु नुनिला छन, नसुनाउ भो नुनको कथा ।

लाज ढाक्ने धोती छैन, जाडो छेक्ने टालो छैन,

उपहास पो गर्दैछौ कि, सुनाएर उनको कथा ।

कथाले त बुझ्दोरहेनछ, भोका नाङ्गाका ब्याथा,

सुन्दा सुन्दा थाकिसके, नसुआउ भो गुनका कथा ।

भोको पेटमा दाना छैन, कानमा ढुङ्री चाहिदैन,

नसुनाउ भो कानै फुट्छन, लङ्काको त्यो सुनको कथा।

लेखक लोकेन्द्र जि सी, गौमुखी मा बि ठुलाबेसीमा प्युठानमा अध्यापनरत हुनुहुन्छ ।